ZALEN Oct. 14, 2024; Chhippui khua, Mamit dist. a Rintea te thlam kangah, thlam bungrua leh buhseng sa phur 37 vel a kangral vek.

Chhippui atanga ZALEN thudawn danin, he vanduaina thlen hun tak hi hriat theih a ni lo a, rin danah chuan nimin (13.10.24) Pathianni emaw a nih rin a ni.

A kan chhan leh hun chiah hi hriat chian mai theih a ni lova, a neitupa hi Inrinniin a ram riak a haw a, a haw dawn zingkara mei a chhem chu tha takin a leih hlum a ni.

Rindanah chuan an thlam hi veivakte tan chawlh mai theihna tur hmun remchang tak a nih avangin lui kal emaw, ramvak emaw chawl lutin mei an chhem anga, chu chu an ti thi tha lo anga, chuta tanga kangmei hi chhuak a nih rin a ni.

Tukin 14.10.2024 zingah an zuk feh leh a, an thlam hi hmuh tur a lo awm tawh lova, an buh mai bakah thlama an bungrua dah zawng zawng a kangral vek a ni.

Thudawn danin, Rintea te hian buhseng tur an nei tam tawh lo a, an kum khat hnathawh zawng zawng deuhthaw a kangral anga ngaih a ni.