ZALEN September 18, 2024 : ICFRE - Bamboo and Rattan Centre (ICFRE-BRC) Bethlehem Vengthlang, Aizawl chuan ni thum chhung awh tur Van Vigyan Kendra, Mizoram hnuaiah “Training on Apiculture” chu Hualngohmun khua ah a buatsaih.

Hualngohmun Village Council huamchhung atanga training tura thlanchhuah mi 20 ten khuai khawi dan ITI expert Malsawmtluanga hnen atangin ni thum chhung an zir dawn a ni.

He hun hawnna hi L. Lalhmingmawia Pachuau, Additional Director, Department of Horticulture chu khuallian niin hun a hmanpui a. Khuai khawi chu kan ram ngaw humhalh nan leh ei leh bara hmasawn nan a tangkai zia thu a tarlang a kalkhawmte chu he training atang hian hlawkna chhar ngei turin a fuih a ni.

Sandeep Yadav, Scientist-D leh Head, ICFRE-Bamboo & Rattan Centre pawhin thu sawiin, he training hi khuai khawi leh khawizu lama hma an sawn zelna atan a bultanna anih thu sawiin mawhmawhna leh tun ang khawvel a mahni thar ngei hmanga intodelh a tulzia a sawi a, kalkhawmte chu hlawkna an char ngei theih nana duhsakna a hlan a ni.