ZALEN June 17, 2026 : Armed Veng Local Council leh NGO te chuan nizan khan joint meeting neiin Dawrpui thlanmuala Armed Veng khawtlang leh Kohhran te thuziak lathlatu ten tar leh vek turin an ngen.

Armed Veng Local Council kaihhruainaa Joint NGO Meeting thuchhuak chuan Chhinga Veng Thalai Pawl inti ten Dawrpui thlanmuala khawtlang leh Kohhran te thuziak (Hoarding/Welcome to Armed Veng etc) an lak thlak chu ni july ni 18 (Ningani) aia tlai loah siam tha a tar leh vek turin kan ngen a ni an ti.

Joint Meeting chuan Armed Veng mipui nunau pawi sawi lo, aurinna hmanga an vau leh thlabar taka an siam chu pawi an ti hle a. Tun hnuah hetiang thil hi thleng tawh lo se an tih thu an tarlang a ni.

Chhinga Veng leh a thenawm vengte ramri buaina chungchang hi a rang thei ang berin thuneitu ten ching fel tura an ngen thu an thuchhuah chuan a tarlang bawk.

Tarlan tawh angin niminah khan Chhinga Veng Thalai Pawl te chuan an ramri chin nia an hriat humhalh hnatlang an nei a, an ramri china an hriat a veng dang hming sign board thenkhat intarte chu la thla a ni.