Vanhmingliana (Taua) Dawrpui Thlarau Thianghlim hi kan hmuh theih loh avangin eng anga awm nge anih tih hi tuman kan finfiah thei lo. Amaherawhchu, kan Bible, Pathian thawkkhum a\ang vek hian sawi theih chin chu a awm a ni ang mi thiamte sawi tlem a zawng i lo sawi chhawng ve teh ang. Bible chuan, “Pathian chu Thlarau a ni” (John 4:24) a lo ti a, mihring an na nei ang hlir a sawi a ni bawk. Daniala chuan a kawr te chu vûr anga vâr, a sam te pawh sa hmul ang maia vâr niin a sawi a. (Daniala 7:9) Ezekiela chuan a lan dan chu mipa hmêl ni anga langin mihring ang hmel pu anih thu a sawi bawk a. (Ezekiela 1:26) Bible chang dang ziaktu te pawhin “A mit, A kut, A kâ” (Sam 34:15, Eze 8:1,Jeremiah 9:12 NKJV) lan dan an sawi bawk. Makpui mai ringawt chu a ni lo a ni ngei ang! Hmu chiah lo mahila Thlarau Thianghlim chu Thu\ha-min-râwntu (Counsellor) leh Min-dil-saktu (Intersessor) leh keimahnia awm \hin anih thu sawi a ni bawk (Johana 14:16,17). Hriatna zawng zawng neitu (Pathian ang) mah se Pa leh Fapa laka thil hrang a nih thu Isuan min zirtir bawk. Kan thinlungah a chêng: Isuan a zirtirte khawvel a\anga a chhuahsan hmain Thlarau Thianghlim thu a hrilh a. “Keiin Pa ka dil ang a, awmpuitu dang a pe ang che u, in hnena awm kumkhua turin,” Isuan a sawi chhunzawm a, “Nangmahniah a nun avangin nangni chuan amah in hria e, in hnenah a awm reng si a” tiin. Thlarau chuan kan duhna te leh kan ngaihtuahna a tidanglam: Thlarau chu Pathiana mi pathum (God Head) a pakhat a nih ve avangin I nun leh ka nun, taksa leh nihna a thlak danglamin min khawih \hin a ni. Kan lo remti ve anih phawt chuan kan thluak hnathawh zawng zawng (brain chemistry) a thlak thleng vek thei. Kan huatna te, inrem lohna te, itsikna te, thinurna te, hmasialna te a tidanglam vek thei (Gal 5:19,20). Chu Thlarau vek chuan keimahni nihna dik tak hrechhuak turin min \anpui thei: Mihring te hian a rûk leh mimal taka kan sualna leh tih dik loh pawm hi kan thei lo tluk a ni. Adama a\ang daiha in\an tawh kha a ni a, ani pawh khan thei ei thiang lo a ei chungchang Pathianin a zawh pawh khan a nupui a dem daih a nih kha! Kan nun kan phat theih loh tlatna chhan pahnih chu: 1) A hmasain, sual tih chhunzawm zel nuam kan ti a, Pathian hnena hlana, titawp mai tura dil kan duh lo tlat \hin. 2) A pahnihnaah chuan, kan sualna thuruk chu mi hriat kan hlauva kan zahpui tlat. Hetiang thuruk thup tlat leh kan thlah phal loh te hian kan chhungkua a tichhe phawt; chutah kan eizawnna, kan nunna thlengin, kan la paih phal chuang der si lo! Hetiang avang tak hian a ni Isuan Pathian Thlarau kan mamawhzia min hrilh. Isuan sual thua thiam chan tirna thu te, thutak zawng zawnga hruai luh kan nih tur thu te a lo sawi ni. (Johana 16:8,13) Nun thlak thleng neih hi kan duh tak tak em le? “Lalpa ka thinlung chhungah I thlarau min dah sak la, ka ngaihtuahna te leh ka duhna te hi min thlakthleng sak ang che” tia kan dil duh phawt chuan thil awlsam tê a ni ; “Thlakthlengna (change) chu a lo thleng ngei ang!”