Thlasik laiin heart attack a hluar

zalenxhg - Nov 02, 2021

Thlasik kan chuangkai chho leh tan ta a, taksa hriselna lam pawh uluk a ngai chho leh ta viau mai. Mithiamte chuan thlasik lai hian heart attack a hluar thin tih an sawi a, fimkhur zual a ngai chho tihna a ni. 

Thlasik kan chuangkai chho leh tan ta a, taksa hriselna lam pawh uluk a ngai chho leh ta viau mai. Mithiamte chuan thlasik lai hian heart attack a hluar thin tih an sawi a, fimkhur zual a ngai chho tihna a ni. 
Heart attack bakah hian stroke pawh thlasik lai hian a hluar duh tih mithiamte chuan an sawi a, hetiang harsatna nei thinte tan chuan fimkhur ngaih hun lai a ni. 
Khua a vawh avangin taksa a che tlem a, chu chuan taksa bung hrang hrangah nghawng a nei ta thin a ni. Taksa sawi zawi leh thlan tla khawpa chet a harsa a, chu chuan lung tan harsatna a thlen thei tih mithiamte chuan an sawi a, chu chuan heart attack leh stroke a thlen tam pha tih an sawi. 
Heart attack hi hlauhawm tak ni mahse kawng thenkhatah inven theih a ni a, fimkhur hle a ngai. Awm (chest) chhúng a nat thut a, ban a zawh chhoh a, khabe kûal thlenga a nat chhoh ngut ngut chuan heart attack tihna a ni a, nikhaw hre lo hialin a awm theih. Hetianga i awm a nih chuan thâwk la nghal vak la, theihtâwpa chhuahin khuh vak vak rawh. He tianga tih hian chûapah oxygen a lut a, chumi chuan lunga thisen kal a ti pangngai leh thei a, hei hi nun chhan nan a pawimawh hle a ni. 
Heart attack hi engtik hunah nge a thlen dawn hriat lawk theih a nih loh avangin fimkhur a ngai hle a, mahni chauha awm laia harsatna kan tawk palh hlauh a nih pawhin a chunga tarlan ang hian tih tum ang che. Lung lam harsatna nei tan chuan thlasik lo thleng mek hi hun khirh tak a ni thei a, chu vangin fimkhur taka hun hman a, taksa sawi zawi lam pawh ngaihpawimawh thar a ngai a ni. 

Share now