Tun lai Hollywood film lar 'Thor : Love and Thunder' chuan India-ah lawm a hlawh hle a, ni li chhung lekin vaibelchhe 65 a lalut der mai. Khawvel puma a sum lakluh chu $mtd 302 a tling tawh a, a la sang chho zel dawn niin a lang bawk. 

Thor: Love and Thunder hian sum tamna North America-ah chuan tlangzarh atanga kar khat chhungin $mtd 143 zet a lalut a, khawvel ram hrang hrangah sum a lakluh belh chho zel. India-ah pawh tun hnaiah chhuah tan a ni a, sum pawh a hailut hnem hle. 
    
Chris Hemsworth, Christian Bale, Tessa Thompson, Jaimie Alexander, Taika Waititi, Russell Crowe leh Natalie Portman te channa hian India-ah hian tlangzarh niah ringawt vaibelchhe 18.6 a lalut thei nghal a ni. Tunah chuan vaibelchhe 100 a kai chho tawh a, a la pung cho zelin a rinawm bawk. 

Thor : Love and Thunder hi June 23 khan tlangzarh a ni a, an budget chu $mtd 250 a ni. A sum lakluh hi $mtd 302 a kai tawh a, thla khat pawh liam hmain an siamna senso chu a hmuchhuak tawh a ni.