ZALEN, 2nd Aug: Govt. Champhai College zirtirtu indaihlohna avangin vawiin 2nd August, 2024 khan Mizo Zirlai Pawl Headquarters Champhai chuan lungawilohna lantirin College zirtirtu leh zirlaite class kal tur an dang a, thu lawmawm an la hmuh loh avangin Thawhtanni August ni 5 atang hian chhunzawm leh an la tum niin ZALEN chuan thu a dawng a, zirna in zawng zawng leh sawrkar pisa kai tur dan tum a ni.

"Thu lawmawm kan la hmuh loh avangin 5th August, 2024 atangin Zirna In zawng zawng leh Sawrkar Pisa kai tur dan tum a ni hei hian bank leh O.P.D a huam lo ang," tiin an thuchhuah chuan a tarlang.

"Champhai zirnain hma a sawnna tur anih avangin kan hmalaknate min tawiawm turin Champhai District mipuite kan in ngen tak meuh meuh a, kan hmalaknate min thlawp a, Pisa leh Zirna In kai lui lo turin Champhai mipuite kan ngen a ni," tiin tarlan a ni.