August 9, 2023; Ruahsur vangin hmun tam takah harsatna a thleng a, Thualthu khua ah chuan harsatna thleng karah Zonun zemawi 'sem sem dam dam, ei bil thi thi' a par chhuak !

Ruahsur vangin leimin hmun engemawzatah a thleng a, Lunglei atanga km 30 vel a awm Tualthu khua ah chuan leimin in kawng a dan vangin khualzin thahnemtak nizan hmasa a tang khan tangkhang an awm.

Chung khualzin te tan chuan Thualthu branch YMA te chuan mahni insengso in an ei leh in tur an buatsaih sak a, an riahna tur thlengin an ngaihtuah sak.

Thualthu branch YMA hruaitu ten ZALEN an hrilh danin, khualzin 200 chuang zet te chaw ei tur an buatsaih sak a, riahna tur buatsaih sak pawh mi engemawh an nei.

Tun dinhmunah chuan kawng a tlang tawh a, lirthei tangkhang an awm tawh rih lo.

"Lirthei tangkhang an awm leh a nih pawhin, an tana kan tih theih tawk lo tih zel kan inhuam a, YMA kan nih angin kan tih ngei turah pawh kan ngai a ni," Thualthu branch YMA hruaitute chuan an ti.