ZALEN September 3, 2025 : Thuampui All NGO Co-Ordination Committee chuan EBCC Kohhran, Thuampui Secretary chu hriattirna an thawn a, an ngenna an zawm lo anih chuan YMA Member nihna hlihsak, MUP member hlihsak, MHIP member hlihsak, Chhiatni Fund pek let leh Invuina atan Thlanmual hman theih loh an nih tur thu an hriattir.

Thuampui All NGO Co-Ordination Committee chuan a hnuaia mi ang hian lehkha hi an thawn a ni.

Kan khawtlang lungrual taka kan chenho lai leh Zohnahthlak inunau leh pumkhat taka chenho kan duhlaiin inpumkhatna leh lungrualna ti chhe thei hnam bik sakhua (Kohhran) in din a, pawl hran insiamim hi Thuampui branch YMA Committee chuan dinlo turin a ngen tawh che u a. Tin Local Council, YMA, MUP, MHIP join committee pawhin dinlo turin a ngen tawh bawk che u a ni.

Khawtlang hruaitute ngenna pawisa lo leh Zohnahthlak impumkhatna atan Duhlian tawng hmang uar tura kan inzirtir mek laia hnam bil tawng hmang Sakhua/Kohhran indin a, ram leh hnam impumkhatna ti chhe thei zawng leh huho hran (pawl hran) insiam luih tlat hi Thuampui All NGO C-Ordination Committee chuan a dem takzet che u a. September 10, 2025 ral hma a khawtlang hruaitute ngenna inzawm thu hriattir kan nih lova, hma in la chhunzawm zel a ni chuan a hnuaia tarlan khawtlanga in chanvo (nihna) hi in Kohhran member zawng zawng hlihsak in ni ang hi ti ka hriattir a che.

Thuampui All NGO Co-Ordination Committee aiawh hian Secretary chuan hming a sign a ni.