Aizawl: Thuampui Branch YMA chuan Zuangtui Vengthar mi Lalduhawma chu an veng chhunga in a rawk avangin an zawng mek a, Bawngkawn Police pawhin an zawng mek niin YMA hruaitute chuan Zalen an hrilh.Aizawl: Thuampui Branch YMA chuan Zuangtui Vengthar mi Lalduhawma chu an veng chhunga in a rawk avangin an zawng mek a, Bawngkawn Police pawhin an zawng mek niin YMA hruaitute chuan Zalen an hrilh. Thudawn danin Lalduhawma hian Thuampui Veng chhungah zanah mi muthilh laiin a lut thin a, pawisa fai leh mobile phone te ru in in 10 chuang a rawk tawh a. Thuampui Branch YMA chuan manin Zirtawpni zan dar 2 vel khan amah an dahna in verandah atanga zuangthlain a tlan chhuak a, tun thlengin hmuh a la ni lo niin YMA hruaitute chuan an sawi. Thuampui YMA hotute chuan Lalduhawma hmu an awm chuan amahni emaw police te be pawp turin mipui an ngen a, an hruaitute mobile number 9862237573, 9862371630, 9612377877 leh 9436730800-ah te bepawp turin mipui an ngen bawk. Lalduhawma hian kawrsen, a hmaa number 52 inziak a ha a, a kawr chungah hian kawrlum hma phel pawl a ha bawk. A ban ding lamah bandage varin a intuam bawk.