Aizawl: Civil Hospital Aizawl thawktute chuan damdawiin tlawhtute chu thuawih tur leh faina kawngah tun aia tan la lehzual turin an ngen. Hospital thawktute chuan faina kawngah nasa takin tan an la tih sawiin bawlhhlawh a bawmah chauh paih thin turin mipuite an ngen a, mi thenkhat bawlhhlawh bawma kuhva eina chhak mai ching an awm nia sawiin pawi an tih thu an sawi. Civil Hospital thawktute chuan damdawiin cheimawina atana pangpar an dah chu mi thenkhat lo ru leh thliak mai te, pangpar chunga puan lo zar mai thin te an awm nia sawiin ti tawhlo turin an ngen a. Hospital in damlo kan hun a siam ah chauh damlo tlawh thin tura mipuite chu ngenin damlo bula bengchheng leh awm tam lutuk in damlote a tichau zual tih a sawi bawk.