ZALEN Nov 11, 2024; Ṭiau lui a tla kum 21 mi, fa kum 2 mi pawm mek, Mary Vanlalnunpuii chu tun thlengin a chin hriat a la ni lo a, ngawrh taka zawn mek a ni.

Tarlan tawh angin, Inrinni chawhma dar 11 bawr vel khan Mary Vanlalnunpuii (21) w/o Ramnghaka, Thingsai chu Ṭiau luiah a tla a, Thingsai atanga ZALEN thudawn danin, Mary Vanlalnunpuii leh a pasal nau chu an khua atanga km 10 vel, Ṭiau kamah Tumbu leh chawhmeh awm ang ang la turin an kal a, Ṭiau an thlenin khaw lum nen inchiah daih an tum a, hetah hian Mary hi chesual palhin vanduaina hi a thleng ta a ni.

He thu ziahlai thleng hian Mary chin hi hriat theih a la ni lo a, a tlak atangin chhun zan zawm a zawn a ni.

Thingsai YMA hruaitute chuan vawiin lamah lui dung suar tluanin zawn hna an thawk dawn tih ZALEN an hrilh.