Bollywood film chhuak thar tur zinga ngaihven hlawh ber pakhat Tiger 3 chu nakum April thlah tlangzarh a ni dawn tih a chiang ta. Salman Khan leh Katrina Kaif te channa a nih miau avangin ngaihven a hlawh hi a mak lo - April 21, 2023 ah tlangzarh a ni ang. 

Tun hnai khan Salman Khan chuan tlangzarh hun tur hi a tarlang a, fans lam pawh an phur tawh hle - an nghah deuh erawh a la ngai dawn thung. Tiger film hi a hlawhtling hle a, a pathumna tur pawh hi beiseina sang tak nen mipuii an thlir mek. 

Tiger 3 hi covid-19 avangin shooting an neih hun tur vawi eng emaw zat sawn hlat a lo ni tawh a, crew leh cast zingah hri kai an awm zing hle. Mahse tunah chuan engkim a kaltluang chho leh tawh a, nakkum April-ah tlangzarh hman ngei tumin hma an la mek a ni.