American magazine lar Time chuan milar huhang ngah zual '100 Most Influential People 2023' list a tichhuak a, artist zingah Michael B. Jordan chu a langsar hle. Huhang ngah leh thil tithei zual thlan chhuah zingah hian Bollywood star Shah Rukhan pawh a tel ve vang mai.  

Artist zingah chuan Michael B. Jordan, Doja Cat leh Beyonce Knowles te chu a langsar zual an ni a, hming langsar tak tak lang lo an tam hle bawk. Zai mi bakah hian fiamthu thiam, infiam mi, lehkhabu ziaktu leh kawng hrang hranga mi chal lang tak tak thlan chhuah an ni. 

Model zingah Bella Hadid a langsar ber a, infiammi zinga chungnung chu Lionel Messi a ni. Ani bakah hian TV host Padma Lakshmi leh business magnate Elon Musk te hming pawh a lang. 

Indian zingah Shah Rukh Khan leh S.S. Rajamouli te chu list-a lang phak awm chhun an ni. YouTuber MrBeast hming a lang a, US president Joe Biden a langsar viau bawk. Time magazine hian kum tin '100 Most Influential People' list hi an tichhuak thin a, ngaihhut a hlawh thin hle.