India ram mai bakah khawvel huapa chanchinbu lar The Times of India (TOI) chuan tun hnai khan India rama kum 21 leh a hnuai lam mi chhuanawmte thlang chhuakin New Delhi-ah hun an hmang a, kum 7 mi lek Esther Hnamte pawh thlan chhuah zingah hian a tel.

Esther Hnamte hi India ram mipui vaibelchhe tam tak zingah thlan chhuah zingah a tel thei a, Mizoram tihmingthatu a ni - a chhuanawm tak zet. Times of India #unstoppable21-a thlan chhuahte hi - Humanities, Science, Sports, Fine Arts, Performing Arts, Social Impact leh Entrepreneurship lama mi hlawhtlingte an ni a, hmarchhak atanga langte an duai lo hle. 

Esther Hnamte hi Naga musician lar Imnainla Jamir nen an perform dun a, Imnainla Jamir hian guitar perhin Esther Hnamte hi a zai thung - lawm an hlawh hle.