ZALEN, May 26, 2025: Timothy Rampuia Chhangte-in gold medal pahnih a lak nen Mizoram karate team chuan 23rd WTSKF All India Karate Championship 2025-ah medal 15 an la.

Madgaon, Goa-a Inrinni leh Pathiannia inelna neihah All Mizoram Karate Association (AMKA) tirhin Mizoram aiawha fehchhuakte hian state hrang hrang atanga karateka 754 inlan zingah gold pali, silver pathum leh bronze medal pariat an la a ni.

Championship hi sub-junior atanga senior inelna niin individual kumite mipa leh hmeichhia leh individual kata mipa leh hmeichhiaah Mizoram aiawh tur hian AMKA chuan coach Sensei Lalramthara, AMKA general secretary ni bawk hruaiin a tir a ni.

Tuikual South, Aizawl naupang, Timothy-a hian kum riat kata leh kumite +25kg-ah gold a la ve ve a. Joshua Laldingngheta, Phullenin cadet boys kumite 50-55kg-ah gold lain David Lalrinchhana, Tuikual South-in junior kumite -67kg-ah gold a la ve bawk.

Mizo infiammite hi Nilaini hian Aizawl an thlen beisei an ni.

MEDAL LATUTE:

1. Marvin Lalruatkima, Tuikual South

6 years boys kumite +20 kg - bronze

6 years boys kata - bronze

2. Joshua Lalruatfela, Maubawk

6 years boys kata - silver

6 year boys kumite - silver

3. Timothy Rampuia Chhangte, Tuikual South

8 years kata - gold

8 years kumite +25kg - gold

4. Jake Lalhmangaiha, Chaltlang

9 years boys kata - bronze

9 years boy -25kg - silver

5. Daniel Lalnunfima Sailo, Tuikual South

9 year boys kumite +25kg - bronze

6. K. Vanlalruatmawia, Tuikual South

10 years boys kumite +30kg - bronze

7. Lalrintluanga Chawngthu, Tlangnuam

11 years boy kata - bronze

8. Joshua Laldingngheta, Phullen

Cadet boys kata - bronze

Cadet boys kumite 50-55kg - gold

9. David Lalrinchhana, Tuikual South

Junior Kumite -67kg - gold

10. Krishna Rai, Venghlui

Junior Boys Kumite -60kg - bronze

11. Joseph Lalrinzuala, Tuikual South

Under 21 men -75kg Kumite - bronze

12. Ramdinthara, Ramhlun Venglai

Senior Men Kumite -67kg - bronze