DOWNLOAD OUR APP

Read latest news on your phone
app-store

Tinreng Feature : Hospital 47-a NE Discount 30% dil dan - Delhi N.E pual rikrum sum hmang tan

Aug 06, 2016

Tinreng Feature : Hospital 47-a NE Discount 30% dil dan - Delhi N.E pual rikrum sum hmang tan

Zirna sang leh eizawnna mumal zawk neih beiseiin hmun kilkhawr zawka awm ten khawpui zawk an bel a, India ram hmar chhaka chengte pawhin khawpui zawk belin Delhi khawpuiah pawh mi tam tak zirlai leh hnathawk an awm teuh a, heng mite hian thihna leh harsatna dangte an tawkin chung hunah chuan puitu an mamawh thin a, puih an ni mek! PM Modi a'n NE mite’n Delhi-a rikrum thil an tawh changa hman tur Nuai 5 a pek chu hman \angkai mek a ni tawh a. Hetihlai hian Delhi Damdawi In lian 47-ah pawh Hmarchhak mi te tana 15% to 30% discount an pek chu a taka hman mek a ni zel bawk. Hospital discount lehkha hi ‘Referral letter’ tia vuah a ni a, Thawhtanni- Zirtawpni inkarah 10 AM-6 PM lak tur a ni a; Nodal Officer for NE People Nanakpura, Behind Gurudwawar, Motibagh ah emaw phone number 011-28882691 ah a zawhchian theih bawk. Zan lam hnathawhni ni lovah ah pawh dil theih tho a ni a - 6 PM hnulam' Inrinnni, Pathianni leh Holiday ah North East Special Police Unit, Nanakpura, Gurudwara, Motibagh, Delhi-21 emaw phone number 011-24104568, 26879656 ah dil theih a ni bawk. Hmar chhak mi Delhi khawpuia thihna tuartu thenkhat chuan kuang siamna leh an ruang phumna tur sum an nei lo thin a. Tunkar khan Safdarjung Enclave hospital-ah Hmarchhak hmeichhhia pakhat chu boralin a kuang leh ruang phumna tur senso a chhungte'n an neihloh avangin an senso tur Rs.15,000 chu IGP Robin Hibu IPS, Nodal Officer for North East People, chuan a pek thu Zalen a hrilh a, PM Modi an Nuai 5 a pek a\anga hman a nih thu a sawi bawk. IGP Robin Hibu, IPS chuan hmarchhak mi Delhi khawpuia chengte chu fimkhur tura a duh thu Zalen palai hrilhin, harsatna an tawhin thuneitute hnenah thlenna chang hre thin se a duh thu a sawi a. Thih na an tawh pawhin thuneitute hnena hrilh hriaa sawrkar laipuiin Hmarchhak mite thihna tawkte ruang sawngbawlna senso phuhrukna sum a dah chu hman na chang hre chho zel se a duh thu Zalen palai chu hrilhin harsatna dangah pawh thuneitute chu hrilh vat turin a ngen tih a sawi bawk.
Share now