ZALEN, May 18, 2025: EverHome Pro Volleyball League 2025 kal mekah Thutak Nunpuitu Team chu tla emaw tih tawh hnuah an lo tla lo!

Inrinni zana LPS Arena-a league round inkhel hnuhnung berah Tuichangral chuan 3-1 (21-25, 25-16, 25-21, 25-20)-in Sihphir an hneh a. Sihphir hian set khat an lak ve avangin TNT lehpelin semifinal an lut anga ngaih a ni a, inkhelhna hmunah pawh puan hman a ni.

TNT hi tlaah ngaih vek tawh a nih hnuah an dinhmun en that leh niin khelh ngaah Sihphir nen hian vawi hnih ve ve chakin point ruk ve ve an hmu a, set riat lain set 10 ve ve an hloh bawk a, an intluk zel; mahse, point hmuh zawng zawngah TNT hian 400 hmua hloh 397 (ratio 1.007) an neih laiin Sihphir hian point hmuh 395 leh hloh 408 neiin ratio 0.968 a ni a, Muanna Veng team an tluk pha lo va, a tla zawkah an tang.

TNT chu thi hnu dam leh an ni ber e!

State pawn player la ve lo, TNT hian semifinal-ah league round inkhel hmasa bera an hneh loh tawh leh a chung bera awm, Tuichangral chu Ningani hian an hmachhawn leh dawn a ni.