ZALEN June 15, 2026 : Vawiin chawhnu dar 1:30 velah khan Tlabungah Bolero Camper chesualin Lalrinpuia Punte (30), Tlabung Bazar chu damdawi in panpui a nih hnuah a hliam tuar loin a thi.

Thu laknain a tarlan danin BCM Tlabung Kohhran chuan kar kaltaah khan Bethel Ministry ruaiin Sal Tang Chhuahna Crusade an nei a. Vawiinah khan BCM Immanuel Kohhran thutthleng an hawh dah tura an kalna Bolero Camper chu chesual palhin, a hnunga chuang Lalrinpuia Punte (30), Tlabung Bazar chu damdawi in panpui a nih hnuah a hliam tuar loin a thi a ni.  

BCM Immanuel biak in panna kawng chhoa an tlan chu kawng sirah lirthei a din avangin a chho thei lo a, hemi hnu hian a hnung zawnga tawlhin a brake a chian loh zui avangin a chesual a. Lirthei hian Lalrinpuia Punte hi thirbanah a chilh niin an sawi.

Lirthei hnungah hian mi 9 chuangin , hliam pahnih an awm .