August 2, 2023; August ni 2, 2022 Thawhlehni zan dar 6:30 vel khan Sihhmui leh Lengpui inkara Tlawng lei bulah mi pali chuanna car MZ-01 U-1162 chesualin, Tlawng luiah a tla lut a, car-a chuang mi pahnih chu dama an
chhuah laiin, mi dang pahnih an boral a, chung mite chu C. Lalfakzuala (Mafaka) leh a fapa Malsawmkima Chenkual (Sawmsawma) te an ni.

Vawiin hi Mafaka te pafa boral champha niin, an lungphunna programme, an chenna Chaltlang Lily Vengah buatsaih a ni.

An chhungkaw hun tawn chungchangah Mafaka nupui, Rebecca Lallawmzuali chuan, chhiat an tawh hun lai a anmahni buaipuitu, Mizoram hmun hrang hrang a mite chungah thinlung takin lawmthu an sawi thar leh tih a sawi a, anmahni lainat a tawngtaipui thin tu zawng zawngte chungah pawh an lawm takzet tih a sawi.

"An pafa in kan chhungkua a hmeichhia zawng min kalsan a, tun thlengin an kal ta mai hi mihring lam atanga thlir chuan kan la hrethiam thei lo. A na kan ti em em a, kan thinlungah an cham reng dawn a nih hi..." Rebecca Lallawmzuali chuan a ti.