ZALEN Nov. 14. 2024; All Mizoram Tomato Growers Association chu a vawikhatnan Tualte khuaa tomato Processing Centre-ah nimin khan an thukhawm a, president Lalchhanchhuahan a kaihruai.

Meeting chuan Fruit & Vegetables Supply Association in Zoram hmun hrang hranga an pek chhuah theihna tura an hnena chhung lut tura an ngenna chu tun dinhmunah remchang rih lovah an ngai a. Tomato rate inangtlangin hman nise tiin, Ningani a tomato latute hnena pek dan turah Aizawl a pekin Kg. ah Rs.35/- nise, khaw hmuna pekin Rs.30/- nise an ti a. Rate bawhchhe khua chu an tomato latu Commission te tum khat an tomato lak tur khapsak (brake) thin nise an ti.

Meeting hian an pawl kaihhnawih thil pawimawh hrang hrang te pawh an ngaihtuah nghal a. Meeting-ah hian khaw 6 atangin tomato chingtu pawl hruaitute an tel a ni.