ZALEN Oct 28, 2025 : Joint Civil Society of Mizoram (JCM) in FCAA, 2023 duhloh lantirna leh hnuk let tura phutna atan MNF party in total bandh an huaihawt tur chu thlawp turin mipui zawng zawng an ngen.

Thuchhuah an siamah JCM chuan October ni 29, 2025 (Nilaini) a FCAA 2023 duhloh lantirna leh hnuk let tura phutna atan MNF party in total bandh an huaihawt tur chu FCAA, 2023 hnuk let tura beihna a nih avangin an thlawp tih thuchhuah siamin an tarlang a, Mizo mipui zawng zawng, NGO hrang hrang leh political party zawng zawngte pawh he total bandh hi thlawp turin an ngen.

JCM chuan FCAA 2023 chu ram leh hnam tan a tha lo takzet tih an sawi nawn a, "Nakin zelah kan ram leh hnam ralna kawng sialtu ah kan ngai, chuvangin Mizoram Assembly in FCAA 2023 a lo pawm tawh hi sut leh ngei turin Mizoram sawrkar kan ngen nawn leh a ni," tiin an thuchhuahah chuan an tarlang bawk.

#ZalenNews