Tottenham boss Antonio Conte chuan media mite chu rintlak tak tak awm mah se mi thenkhat chuan harsatna min siam sak an tum ngar ngar zawk ni hial a a hriat thu a sawi. Chungmite avang chuan transfer hunah pawh a squad chuan a derthawn phah tak thu a sawi lang. 

Italian pachal kum 52 mi Conte hian tun transfer-ah khan player pahnih chauh a lak luh laiin player tha pali laiin an chhuahsan thung a ni. Chelsea boss hlui chuan, "Keimah chauh pawh nilovin hun kal tawhah pawh he club hian hemi kawngah hian harsatna a lo tawng tawh thin a, midang tana harsatna siam sak zawnga an khawsa duh tlat hi ka hrethiam lo a ni. He club chanchin hlui ka en let hian coach leh chairman leh club tana hrasatna hi an lo siam tawh thin a ni. Ka ngaihtuahna hi kan chairman pawhin min hriatthiam pui viauin ka ring," a ti. 

Spurs hian January transfer window tawp dawn khan Dejan Kulusevski leh Rodrigo Bentancur te an lalut a, chutihrualin, Tanguy Ndombele, Dele Alli, Giovani lo Celso leh Bryan Gil te chu loan hmang ten an chhuah thung. 

Italian media ho bula a interview-naah Conte chuan Tottenham hmathlir a sawi chhuak a. Player lar hmabak ngah vak tawh lo te lei chhuah ai chuan kum naupang zawk talent nei tha chher chhuah kawnga hma lak nasa zawk an tum thu leh an ngaih pawimawh tur thu a sawi. 

Conte chuan, "January transfer window zawh hlim khan ka lungawi leh awi loh thu min zawt a, kei chuan club-in a tih theih sang ber a ti a ni," tiin ka chhang a ti.  

Conte hian nikum November ni 2 khan Tottenham hi a zawm a, tuna a dinhmun leh a thil tawn mekah hian a lungawi tawk thu leh player te nen an inkar pawh a that thu a sawi. Conte chuan, "Tunah hian season khar nan thla li kan la nei a, league-a dinhmun tha taka awm turin theihtawp kan chhuah ang," a ti.