ZALEN May 18, 2026: April 24, 2026 khan Mizoram sawrkar chuan khatihlaia Additional Director, Commerce, Industries, Geology & Mining Department R. Lalrodingi, 30.04.2026-a pension tur chu 01.05.2026 atangin Tourism Department Director atan rawih nawn (re-employ) a nih tur thuchhuah an siam a, he order hi sut leh niin OSD to CM anihna chauh a chelh chhunzawm dawn a ni.

Mizo Zirlai Pawl (MZP) chuan inrawihnawn chungchangah hian sawrkar hotute hi ngenin sawrkar lam chuan lo nghak rih turin an ti a, Mizoram sawrkar hian May 15, 2026 khan thuchhuah hi a siamtha a, hei hian order hmasa chu a luahlan tiin R. Lalrodingi hi Tourism Director hna a chelh chu tihtawp sak niin, OSD to CM a nihna erawh chhunzawm dawn a, he a hna hi co-terminus niin, sawrkar lai term tawp ruala a term hi tawp tur a ni. 

Finance Department ID atanga a lan danin R. Lalrodingi hian thla tin Rs 35,000/- (Rupees Thirty-Five Thousand) lawmman a dawng ang a, Mizoram sawrkar-a Secretary rank pek a ni.