ZALEN February 22, 2026: Kum kal mek, 2025-2026 chhungin Mizoram tlawhtu khualzin an pung mek zel a, April, 2025 atanga December, 2025 chhungkhan khualzin 6,79,607 an awm a. Ram pawn atanga Mizoram tlawhtu zingah Myanmar atanga tlawhtu an tam ber.

Tourism department tar lan danin kum kal mek, 2025-26 chhungin Mizoram tlawhtu khualzin tam berte chu ram chhung atanga kal (domestic tourist) an ni a, mi 6,70,001 an tling a. December, 2025-ah khualzin an tam ber a, 1,32,375-te chu ram chhung atanga kal niin ram pawn atanga (foreign tourist) kal mi 1,145 an awm.

April, 2025-ah Mizoram tlawhtu khualzin domestic 67,240 leh foreign tourist 632 awmin May, 2025-ah domestic 54,083 leh foreign tourist 298 an awm a. June, 2025-ah domestic 46,740 leh foreign tourist 1,197 an awm a. July, 2025-ah domestic 50,254 leh foreign tourist 1,650 awmin August-ah domestic 62,312 leh foreign tourist 1,518 an awm a. September, 2025-ah domestic 65,187 leh foreign tourist 693 an awm.

October, 2025-ah domestic 94,866 leh foreign tourist 1,358 an awm a, November, 2025-ah domestic 96,944 leh foreign tourist 1,115 an awm a. December, 2025-ah domestic 1,32,375 leh foreign tourist 1,145 an awm bawk.

Kum kal mek (April-December)-a ram pawn atanga Mizoram tlawhtu khualzin zingah Myanmar atanga khualzin an tam ber a, mi 7,441 an awm a, USA atanga khualzin 573 awmin Japan atanga tlawhtu mi 234 an awm a, hengte hi ram pawn atanga Mizoram tlawhtu tam zualte an ni a. Ram pawn atanga Mizoram tlawhtu hi mi 9,606 an tling tawh. 

Kum liam ta, 2024-25 chhung khan Mizoram tlawhtu khualzin 5,24,784 an awm a, kum dang zawng aiin an pung a. Chung zinga mi 5,911-te chu ram pawn atanga kal an ni a. Ram pawn atanga tlawhtu zingah USA atangin an tam ber. 

Hetihlai hian Mizoram sawrkara tourism department-in a pawm ‘tour guide’ mi 89 an awm tawh a, chung mite chu khawpui bakah thingtlang hmun hrang hranga mite an ni.