October 11, 2023; Traffic police duty lai Naik Lalhlimpuia'n college zirlai exam nei tur, lirthei document chungchang a harsatna tawk pakhat chu an college thleng a thlah.

Nimin 10.10 2023 khan T. Romana College zirlai pakhat 5th Sem a mi chu driving licence ken loh vangin a college kal tur chu traffic police in an lo man a. Zirlai hian internal test exam tura kal anih thu leh an tan tep thu a hrilh a, Traffic police duty Naik Lalhimpuia chuan a details a laksak a, seizure te rang taka a tifel sak hnu ah amah ngeiin college thleng a thlah thlap a ni.

Hemi chungchang hi T. Romana College principal chuan social media ah tarlngin, a duty lai a dan bawhchhia man a, a mi manin tanpui a ngai tih hria a a duty na hmun kalsan a a tanpui nghal thei mai chu fakawm a tih thu leh chhuanawm a tih thu a tarlang.

"Zirlaite hrethiam tak leh zirna ngai pawimawh tak mai kan zirlaiin Traffic police a tawng hi a van lawmawm tak em. College ah zirlai a rawn thlah lai hi kan college vice principal in a lo tawn hlauh avangin hetiang mifel hi a hnathawhnaah tha tak leh tluang taka a thawh zel theih nan duhsakna kan hlan theih phah a ni," tiin a tarlang bawk.