ZALEN August 30, 2025: Mizoram Hindi Prachar Sabha (Mizoram Hindi Board) chuan Aizawl Traffic Police mi 24 te chu a thlawnin Hindi tawng an zirtir dawn. 

Mizoram Hindi Prachar Sabha chairman RB Lalmalsawma hnen atanga ZALEN thudawn danin Traffic police te hi tawng (spoken) chauh zirtir an ni dawn a. Zirtir an nih chhan hi Traffic police chu Mizo hmel lanna khawpui enkawltu an nih vang te, hnam dang lokalte thil an hrilhfiah theihna atan leh kawng an kawhhmuh theihna atan a ni a. Midang pawh zirtir zel an tum tih an sawi. 

Traffic police te hi September 2025 atangin zirtir tan tum an ni a, hemi atana inremna pawh Zirtawpni khan Traffic office-ah tihfel a ni.