ZALEN Oct 10, 2024; Vawiin (10.10.24) khan Sarah Lalrinkimi, Addl. SP, Traffic kaihhruainain SP, Aizawl Conference Hall-ah Traffic Uniform Baseball Cap inhlanna hun hman a ni.

Zonunpari Sailo, Jt. Director, Women and Child Development department chuan Aizawl Traffic Police mai bakah District hrang hranga Traffic Police-te khum turin Uniform Baseball Cap a hlan a, Traffic Police aiawhin Stephen Lalrinawma, Sr.SP, Traffic chuan lawm takin a dawng.

SP, Traffic chuan Aizawl Traffic Police hnathawh dan tlanglawn sawiin; Aizawl khawpuia lirthei pung chak lutuk chuan mipui tan harsatna a thlen nasa hle a, lirthei lei leh neihdan kawngah inkaihhruaina mumal zawk kan neih thuai a tul thu a sawi. 

Tun hnai chhoah lirthei chetsualna, a bik takin thihna thleng a tlakhniam thu a sawi bawk a, hemi atan hian Traffic Police-te chuan theihtawp an chhuah zel tur thu a sawi. 

Traffic Police-te hnathawk dan hriaa; Women and Child Development department-in Traffic Police-te mamawh; Uniform lukhum an pek avangin lawmthu a sawi bawk a ni. 

Flora Laltanpuii, Dy. Director, Women and Child Development department chuan Traffic Police-te hnathawh dan an hriatpui thu leh an ngaihhlut thu a sawi a, mipuiin Traffic Police-te an thlamuanpui thu a sawi bawk.

Traffic Uniform lukhuma naupang leh hmeichhiaten harsatna an tawh thulha tanpuitu biakpawh theihna tur 'Women Help Line Number - 181' chhut kai a nih theihna tura Police Department hotute remruatna chu lawmawm a tih thu a sawi a, hei hian hmeichhe chunga hleilenna thleng thin dona leh a tireh tura an hmalaknaah rah tha tak a chhuah ngei an beisei thu a sawi.