ZALEN December 15, 2024 : Hunpui lo thleng turah mipui veivah awlsam zawk nan traffic police-ten ruahmanna eng emaw zat an siam.

Lirthei chetsualna leh vanduaina a thlen loh nan mipuite chu kawng kânna tura siam (zebra crossing)-ah chauh kawng kân tura an ngen bakah lirthei khalhtute pawh fimkhur se an duh tih traffic hotute chuan an sawi.

Aizawl Traffic SP Stephen Lalrinawma chuan, “Hunpui vuakvetah hian mipui leh lirthei an tam dawn avangin duty pawh dah bit lehzual kan tum a. Mipuite chu duhna hmun hmuna kawng kan lova zebra crossing-ah chauh kawng kân turin kan ngen a, hei mai bakah over bridge hmang tangkai turin kan ngen a ni,” a ti.

Lirthei jam a ziaawm theih nan road diversion pawh siam a tul mai thei tih sawiin hei hi an siam anih pawhin mipui nawlpui awlsamna tur leh hun reilo te chhung atan a ni tih hriaa hrethiam turin mipuite a ngen tih a sawi.

A tul angin maxi cab leh bus khalhtute chu zu an in leh in loh enfiahna (breath analyser) pawh an nei mai thei tih a sawi bawk.