Aizawl October 4, 2024 : Mizoram State Sawrkar Notification leh Section 115 & 117 of MV Act, 1988 in thuneihna a pek angin Sr. Superintendent of Police, Traffic Aizawl, Stephen Lalrinawma, MPS chuan kawng siam turah a hnuaia mi ang hian khapna thupek a chhuah.

Aizawl Road North Sub-Division-I te'n Ni 6.10.2024 (Pathianni) hian Modern School Peng atanga Liandenga Traffic Point, Chhinga Veng inkar kawng chhelai siamthat hna an thawh dawn avangin hnathawh hun chhungin helai kawng hi khar/block a ni dawn tih mipui a hriattir a.

PWD, National Highway Division - I te chuan 5.10.2024 (Inrinni) leh 6.10.2024 (Pathianni) hian National Highway- 6 Sairang Road, Hrangbana Petrol Pump bul kawngchhia siamthat hna an thawh dawn avangin hna thawh hun chhung Zing dar 07:00 atanga Chhun dar 12:00 leh Chawhnu dar 01:00 atanga Tlai dar 05:00 inkar kawng chanve zel khar/partial road block a ni dawn a, helai kawngpui hmangtute fimkhur tak leh hnathawkte ngaichang chunga lirthei khalh turin hriattirna a chhuah bawk.

Hnathawh tibuai thei turin hnathawhna huam chhung kawngpuiah lirthei leh bungrua engmah dah/park phal a ni lo.