ZALEN Nov 4, 2025 : November ni 1 a Rel hmanga Guwahati kal tur khualzinte MST bus-in a hun taka a thlenpui hmanloh avangin Transport dept. hotute chuan thupha chawiin, a thlen nawn tawh loh nan a hma aia darkar 1 in Sairang pan tur bus te chhuah hma tir an ni tawh dawn tih an sawi.

Khualzin te harsatna sukiang turin Sept ni 29 atang khan MST bus service chu Aizawl atanga Sairang Rel station thleng service tir tan a ni a. Transport dept. hotute sawi dan in November ni 1 , 2025 khan Transport Complex, Chaltlang atangin tlai dar 5-ah MST bus hi a chhuak a, traffic jam nasa vangin zan dar 7-a train chhuak hi an nang hman ta lo tih an sawi a. He thil thleng hi department chuan pawi a ti takzet a, passenger phurhte chungah ngaihdam a dil mawlh mawlh tih an thuchhuah chuan an tarlang a ni.

Hemi chungchang ngaihtuah hian department hotu-te inhmukhawm nghalin, tun hnuah bus a thlen tlai tawhlohna turin Guwahati kal tur bik tan Transport Complex atanga bus chhuah hun hi darkar khat-a sawn hma a ni a. MST bus tlan dan schedule thar an ti chhuak nghal bawk.

#ZalenNews