Aizawl: Comptroller & Auditor General of India (CAG) report thar berin a tarlan danin Transport Department computerise a nihna kawngah thil fel lo a tam hle. CAG report-in a tarlan danin Transport Department computerise a nihna kawngah fel lo a tam hle tih hmuchhuah a ni a, he performance audit hi April 2016 a\anga September 2016 chhunga neih a ni. CAG in a tarlan danin computer hmanga lirthei register-na leh driving licence pekchhuahna VAHAN leh SARATHI te chu him lo taka kalpui niin computer system an hman mek dan chu virus vanga file bo theih thu ah te, password hman danah te leh a software te document mumal awm loa siam danglam thuah te an kalpui dan a fel tawk lo tih tarlan a ni. CAG chuan an report a an tarlan danin DTO hnuaia staff thenkhatte chu DTO-ina a tih tur thenkhat Driving License leh Registration Certificate pekchhuah te tihtir an ni a. Hei hi department chuan tihtir a nih tawh loh tur thu sawiin action lakna report pawh CAG hnenah thehluh a nih tur thu sawi mahse January 2017 thlengin dawn a la ni lo niin performance audit chuan a tarlang bawk. CAG Audit report chuan State Transport Department-ten driving license duplicate leh renew-na te chu an pechhuak har \hin niin an tarlang a. State leh National Register a update pawh in thlunzawmna awm \ha lo avangin an khawtlai \hin niin a tarlang bawk. CAG chuan lirthei engine number leh chassis number dik lo a ziah luh a tam hle niin an tarlang bawk a. Lang tlang taka department hnathawh computer hmanga dah thuah Mizoram State Transport Department chu a la hlawhtling rih lo niin CAG report chuan a tarlang bawk.