South African comedian hriat hlawh Trevor Noah chuan kum sarih chhung a lo chenchilh tawh leh a larchhuahna ni bawk 'The Daily Show' a chhuahsan dawn.  

Trevor Noah hian kum 2015 khan The Daily Show hi a zawm a, Jon Stewart hmun ruak luahin host hna a thawk. "Hlim takin kan nuiho a, kan tapho bawk. Mahse tunah chuan kum sarih lai a lo tling ve tawh a, tun hi chhuahsan hun tha ber niin ka hria," tiin The Daily Show a chhuahsan tur chungchang a sawi. The Daily Show pawh hian Noah hriatrenga tur video clip chu social media lamah an tarlang ve nghal bawk.

India ramah pawh lo kal tawh Trevor Noa hian 'The Daily Show' a chhuahsanna chhan tur tak hi tarlan a ni lo a, a chhuah hun tur pawh tarlan a ni lo.