ZALEN September 14, 2024; Mizoram leh Assam inkalpawhna pakhat, Saiphai - Bagha road a awm, bailey bridge chu nizan khan truck in an zawh chim.

Saiphai atanga ZALEN thudawn danin, lei chimna hmun hi Mizoram atanga Bagha bazar thlen hma deuh, Assam lam huam chhung a awm a ni a, nizan (13.9.24) zan dar 8 vel khan a rualin truck pahnihin an zawh a, hei hi lei hian a chimpui a, vanneihthlak takin thi leh hliam an awm lo.

He leidawh hi Serkhan - Bagha road atanga Assam leh Mizoram inkalpawhna pawimawh tak niin, lirthei veivak, a bikin motor lian tena an zawh ber thin a ni.

Leidawh chimna hmun hi Vairengte lam tih loh-ah chuan motor liana Assam atanga Mizoram mamawh chawkluhna kawngpui pawimawh tak a ni a, motor te hmang chuan Phainuam lam atangin inkalpawh theih a ni tho thung.