Aizawl April 15, 2024 : Vawiin hian Mizo Hnam Runah chhung inkhawm neih a ni a, he hunah hian an MP Candidate K Vanlalvena chuan thu a sawi a, thalai ten an talent hmanga ei an zawn dan tur ngaihtuahpui a tum thu a sawi a, tu party tan pawh thawhpui thei nih a tum.

K Vanlalvena chuan, "Mizo thalai eizawnna mumal nei lo thahnem tak an awm tih ka hria a. Chungte tan chuan theih tawp chhuaha hmalak ka tum a, Mizo thalai, Sports, Music, art leh thil a talent tha tak tak neite hian an talent hmanga ei an zawn theih dan tur theih tawpa dap pui ka tum a ni," a ti a. "Zofa hmun hrang hranga thendarha awm mekte inpumkhatna turin theih tawp ka chhuah zui zel dawn a. Zofa hmun hrang hranga awmte tana MP nih ka tum a ni," a ti bawk.

K Vena chuan, "Lok Sabha MP atan hian ka lo tling a nih chuan ruling party-te hian min thawhpui duh phawt chuan an MP candidate ai hian ka tangkai daih zawk mai thei a nia. Tu tan pawha MP thawhpui theih nih ka tum a ni," a ti.

MNF Candidate K Vanlalvena chuan mipui zawng zawngte vote thlak theuh tura sawmin, "Min vote lo tur pawhin vote thlak vek ang u, democracy ram kan nih angin chu chu a hlu hle a ni," a ti a. "Huatna, khakna te tel lovin rilru thianghlim takin tawngtaina nen i campaign zel ang u," a ti bawk.