ZALEN May 04, 2026 : Vawiin khan Tuikual South mipuite chuan an veng nu Lalhmingthangi thattua puh, Irene Lallawmzuali chu court-in bail-in a chhuah a phalsak nia an hriat vangin court bulah an pung khawm.

Tuikual South Local Council leh All NGO-te bultumin punkhawmna hi Aizawl District & Session Court bulah neih a ni a, Irene Lallawmzuali hi bial-a chhuah an duh loh thu leh a phu tawk hremna a hmuh ngei an phut thu tein an aurual a ni.

Tarlan tawh angin March 17, 2024 khan V. Lalhmingthangi hi Aizawl New Market-a a dawr kudamah thi a hmuh a ni a, Hemi ni vek hian V Lalhmingthangi thattua puh Irene Lallawmzuali chu tlai lamah police-in an man. Irene-i hnen atangin tualthahna atana a hman ni ngeia hriat chemte leh V. Lalhmingthangi bungrua nia hriatte an man tel a ni.