ZALEN December 24, 2024 : David Lalmuanpuia (31), Airfield Veng thih chungchangah Bawngkawn Police Station-a Bharatiya Nyaya Sanhita (BNS) hnuaiah thubuai ziahluh kal zelah nizan khan mi panga man belh leh an ni.

Nizan khan heng mi panga

1. David Lalropuia (27) s/o Lalremsanga

2. Lalramhluna (56) s/o Mualkawia (L)

3. Lalkhawngaiha (28) s/o Lamchhunga (L)

4. Lamneihpauva (40) s/o Gobawia (L)

5. Lalhmingliana (40) s/o Khailama (L) te hi man leh an ni.

18.12.2024 zana thilthleng chungchang hi chhui mek zel niin 22.12.2024 khan Airfield veng VDP Secretary K.T. Zonunsanga (31) leh VDP member R. Lalhmangaihzuala (56) te chu police te'n an man tawh. Nimin vek khan court-a hruai an nih hnuah jail-ah dah an ni.

David Lalmuanpuia nu Nunthangmawii chuan Bawngkawn Police Station-ah FIR a thehlut a, Hemi behchhan hian mi nunna lak thubuai ziahluh a ni.

Nunthangmawii' sawi dan chuan ni 18.12.2024 zan khan a fapa leh a thianpa Lalduhsakate chu Airfield Pastor chenna ina pawisa ruk chungchanga rinhlelh thil thuah VDP/Kumpuan pawlte'n an chenna in atangin an hruai chhuak a, a fapa hi k

VDP office-ah kuthlak a nih hnuah damdawi in-ah hruai a ni a, zing lam dar 1 hnu deuhah damdawi-in an thlen chuan a thi tawh tih an lo hrilh.