Aizawl; Rannung chikhat Tuhrik (scrub typhus) seh vangin Mizoram ah mi 22 an thi tawh. Integrated Desease Surveillance Programme chhinchhiah danin kum 2012 atanga September 2014 thleng khan Mizoram ah he natna vei mi 582 hmuhchhuah a ni tawh a, an zinga 22 chuan he natna hi an thihpui a ni. IDSP a Programme Officer, Dr. Pachuau Lalmalsawma chuan Mizoram chu srub typhus natna chenchilh ram zinga mi a ni tih a sawi a. Mipui ah inzirtirna a awm that tawh avang te, mipui ten hriselna an ngaih pawimawh avang leh damdawi thiamte an pan hma tawh avangin he natna vei leh thihpui pawh an tlem sawt hle niin a sawi bawk. Kum 2012 ah Scrub typhus natna vei hi mi 31 hmuhchhuah a niin 1 a thi a, kum 2013 ah he natna vei mi 369 hmuhchhuah an ni lehin mi 19 an thi a, kum 2014 kumtir atanga September thla tawp thleng khan natna vei 160 report awmah thi 2 an awm tawh bawk.