Aizawl May 16, 2023 : Public Health Engineering Department chuan thuchhuah siamin Mizoram-ah thal a nat thu an tarlang a, nikhata tui litre maktaduai 30 pump chhuak thin khan tui litre maktaduai 20 aia tlem lakchhuah theih loh a thleng theih avangin Aizawl-ah tui a harsa thei niin an tarlang.

PHE chuan, Aizawl Mipui rinpui ber Tlawng lui tui chu a ni telin a kam zel an ti a, hemi avang hian nikhata tui litre maktaduai 30 vel pump chhuah thin kha litre maktaduai 24-ah a tla thla tawh a. Tunah hian tui hnain a daih tawh tak ngang loh avangin tui litre maktaduai 20-ah tlak thlak a ngai ta, an ti

Ruah sur lova tui hi a kam zel a nih chuan tui pump chhuah theih zat tur hi nasa taka tlahniam turah an ngai a, tui sem chhuah zat pawh hi a tla hniam nghal lo thei lo, tiin, Aizawl mipuite theih ang anga tui renchem turin PHE Department chuan an ngen a ni.