Aizawl: Tuichangral Zirlai Pawl hruaitute chuan nimin khan Khawlailung leh Keitum inkar Tuichang Lei dawh that tur chu a hmunah kalin thawktute an kawm. TCZP hruaituten a hmuna an tlawh hian hmasawnna hmuh tur a la tam lo hle tih sawiin thawktu te nen pawh hnathawh zel dan tur te inpawh tlang taka sawiho a nih thu thudawnna chuan a tarlang bawk a ni. Tuichang Lei hian khaw tam tak a paltlanga, 1980 chho vel daih a siam tawh a ni. A chhe lai te thawm that ni thin mahse, ngaihngam tak leh rei tak hman zui tlakah Tuichangral Zirlai Pawl chuan a ngai tawh lo va. Chuvangin, hun tiam chhung ngei a zo fel hman turin a thawktu Contractor leh Mizoram Sorkar pawh an phut a, Lei thar tur hi tha leh rintlak taka siam a nih ngei theih nan uluk taka vil zel an tum bawk a ni. Lei dawh that tur hi Central Road Fund (CRF) atanga sum hmuh niin, Rs. nuai 754.75 Lakhs senna tur a ni a.  Hna hi M/S Sadguru Engineers & Allied Service Pvt. Ltd., Guwahati te thawh tur niin, a dung metre 68 leh avang metre 7.50 a ni a, December 1, 2016  1.12.2018 chhunga zawh fel tur a ni.