ZALEN, Apr. 05, 2025: Olympic Games 2036 urlawk nana ruahman, MLA’s CUP Tuichangral Championship vawi 14-na neih mekah a thlengtu, East Lungdar chuan Inrinnia zawh wrestling inelna bikah an huam chhungah tluktu an neilo va, gold medal pali lain an champion. 

Ni hnih chhung buatsaih, wrestling inelnaah hian Tuichangrala khaw 10 atangin inchai chak mi 60 an fuankhawm a. Free style hmanga inelnaah hian a thlengtu khua hian gold pali bakah silver panga leh bronze pathum lain team champion an ni.

East Lungdar dawtah hian Mualchengin gold pathum, silver leh bronze panga ve ve lain an dawt a. North Vanlaiphaiin gold pahnih leh bronze pathum an la bawk. 

Tuichangral Championship kal mekah hian khaw 17 inlanin infiamna chi 15 - football (mipa leh hmeichhia), volleyball (mipa leh hmeichhia), badminton (mipa leh hmeichhe maltan leh double), table tennis (mipa leh hmeichhe maltan leh double), kum 16 hnuai lam tan boxing, wrestling, weighlifting hmanga inel a ni.

WRESTLING MEDAL TALLY

East Lungdar G-4, S-5, B-3

Mualcheng G-3, S-5, B-5

North Vanlaiphai G-2, S-0, B-2

Cherhlun G-1, S-1, B-0

Tualte G-1, S-0, B-1

Biate G-0, S-0, B-1 

Leng G-0, S-0, B-1

Thingsai G-0, S-0, B-1

Sialhawk G-0, S-0,B-0

Sailulak G-0, S-0, B-0