Inrinni zan dar 8:30 khan MSL inkhelh pawimawh takah Tuikual South chu Mission Veng Hot shots-in 102-81 in an hneh. Play-in khel turin an la chiang lo ve ve. 

Inkhelh bul tan atangin inkhelh a hmuhnawm nghal a, Tukual South lamin bul an tan tha a, quarter khatnaah hian 31-29 in Tuikual lam an chak. Quarter hnihnaah pawh Tuikual lam an tang mar chho thei a, an foreign player Bowie che tha lo mahse tualchhung player ten theihtawp an chhuah tih a lang. 23-17 in chakna hma an hruai leh. Beiseina sang tak nen chawlh lawk an hmang. 

Quarter thumna atangin Mission veng lam an rawn tho chhuak ve tan a, inkhelh an thunun zawk bawk. Tuikual South lam khelh dan enin first-half an phak lo va, Hot Shots lamin 26-15 in an la, quarter tawp berah pawh Tuikual South lam an la insiamtha hleithei lo. 30-12 zetin an tlawm leh a, hun tawpah meuh chuan Hot shots lam hi point 21 zetin an sang ta zawk a ni.

Mission Veng Hotshot tan foreigne player Josua Aaron Keyes an point 37 leh Zonunsanga'n point 23 an score a, Lalrozama'n point 19 a thawk chhuak bawk. Hotshot hian match 8 khelh tawhin point 13 an nei a, table-ah 2-na an ni. Tuikual South hian match 7 khelhah point 12 neiin table-ah 4-na an ni mek a. Plat-in khel tur chuan an game khelh leh turah chak ngei an mamawh tawh thung ang. 
    
                                     Total  Period 1 Period 2 Period 3 Period 4
Tuikual South                   81      31          23        15            12
Mission Veng Hotshots   102  29             17         26           30

Tuikual South BC
Lalnunpuia - 26 pts - 4 rebounds - 1 block - 1 assist.
Darrell Bowie - 25 pts - 12 rebounds - 1 assist.
F. Zodinthara - 12 pts - 9 rebounds - 3 assists - 1 steal.
Dennis Lalmuanpuia - 7 pts - 4 rebounds - 1 steal.
Lalramzaua - 7 pts - 3 assists.

Mission Veng Hot Shots
Josua Aaron Keyes - 37 pts - 17 rebounds - 2 blocks - 5 assists - 3 steals.
Zonunsanga - 23 pts - 11 rebounds.
Lalrozama - 19 pts - 5 rebounds - 3 assists - 1 steal.
Arshdeep Singh - 7 pts - 3 rebounds - 1 assist.
Eddie Zaithanmawia - 6 pts - 2 rebounds.