October 14, 2023;  ZPM Zonu Headquarters President R. Lalawmpuii, AMC Ward 16 corporator ni bawk chuan ni 13.10.2023 (zirtawpni) hian Tuikum Zonu intuaitharna programe leh campaign kickoff Chhuanthar picnic spot-ah a hmanpui.

He hunah hian R. Lalawmpuii chuan party leh kohhran chu kalkawp tur a nih thu sawiin, 'ZPM chuan politics hi Pathian thu nena kal ṭhiang tlak khawpa thianghlimin kan buaipui tur a ni,' a ti a, 'Mi thenkhat chuan sakhuana a an tih duh loh hi politics-ah tih an tum ṭhin avangin sakhuana leh politics sawi hran an tum mêk a ni,' a ti bawk. 

R. Lalawmpuii, Zonu Headquarters President chuan ,'ZPM-ah kalphung thar a taka hmuh zel a ni,' tiin, ZPM Municipal corporator/councillor-te leh MLA-te ward fund hmanna-ah kalphung thar a taka hman a nih thu sawiin, 'Hei hian party dangte-ah chona a siam a ni,' tiin, 'ZPM chu politics-a thil tha ching chhuaktu a ni,' a ti bawk.