ZALEN June 18, 2026 : Nizan dar 11 vel khan Liansangpuii (23) Lungsen North chu Tuipang leh Theiri inkar khamah a lum hlum.

Liansangpuii-te hi Nilaini khan Lunglei aṭangin Tuipangah bungraw dah turin Mahindra Maxx-in an kal a. An haw lam chu nizan dar 11 vel khan Tuipang leh Theiri inkarah zung turin an ding a, Liansangpuii muhil rawn harh chu phone hmang tura kawng sira a kal chu chesual pahlin khamah hian a tla thla ta niin kan thudawnna chuan a sawi.

Driver leh Handyman-te hian Tipa leh Theiri Branch MTP hruaitute punin Liansangpuii ruang hi a lumna atanga metre 120 velah an zu hmu a ni.

A ruang hi nizan khan Theiri MTP Hall-ah lumen a ni a, vawiin hian Postmortem a nih hnuah an khua Lungsen panpui mek niin zaninah vui tur a ni.