ZALEN Sept. 11, 2024; Tui a tam vangin, Tuirial Hydro Power Station atangin tui paih chhuah thin a ni dawn a, fimkhur tura ngenna tihchhuah a ni.

Kolasib DC in September ni 9, 2024 a hriattirna a tihchhuah danin, NEEPCO Ltd. atanga lehkha dawn a nih danin, tunhnaia ruahsur nasa vanginn Tuirial tuikhuah (dam) a tui awmzat chu a bituk chin a thleng tep a. Tui a tam lutuk chuan tuikhuah leh an power house a tih chhiat theih avangin tui paih chhuah thin a ni dawn a ni.

Tuikhuah atanga tui paih chhuah a nih chuan a thlanglam lui kuangah dan pangngai bakin tui a tam dawn a, chu chuan tui a chetsualna a thlen thei a ni.

Chuvangin, Tuirial tuikhuah thlanglam luiah sangha man leh thil dang tia kal lo turin helai hnaia chengte leh kal thin te ngen an ni a, tul leh pawimawhna avanga kal turte pawh khawchhin ngaichang chunga fimkhur taka kal turin hriattir an ni.