Aizawl: PWD, Aizawl Road South division chuan Tuithiang venga leimin thenfai hna chu thawk zo tawhin tunah hian RCC channel siam hna an thawk mek.   PWD hotute sawi danin Bethlehem to Bazar road a Tuithiang veng leimin thin siam that nan hian DM&R Department atangin Rs. 1,08,19,000 hmuh a niin tunah chuan kawng thenfai hna hi thawh zawh tawh a ni a. Lei hi che leh thei dinhmuna a la din avangin blacktopping, gabion wall leh side drain siam hna la thawh loh a ni a, black topping hi khaw that veleh thawh tum a ni tih an sawi a. Zawhna chhangin PWD hotute chuan mipui him zawk nan helai hmuna ram neitute pawhin in hi sa tawh lo thei se an duh tih an sawi.