ZALEN Sept. 3, 2025: Vawiin chawhma dar 11 khan Aijal Club ah mega watt 132 pe chhuak thei tur Tuivai hydro electric project khuahna tur atana detail project report in hlan a ni.

Tuivai khuahna tur DPR hi M/s Ernst & Young te siam niin P&E Minister F.Rodingliana hnenah hlan a ni. Ruahman dan chuan Tuivai hi Ngopa leh Phuaibuang inkarah khuah tum a ni a. Tuikhuah san zawng hi metre 100 a ni ang a, power a siam chhuah theih zat tur hi mega watt 132 niin stage 1&2 a then a ni a. Stage 1 hi 2x10 mw=20 niin stage 2 chu 2x56 =112 mw a ni ang.

Project senso atan hian vaibelchhe 2400 ruahman a ni a, kum khat chhungin a lo berah 380 MU a thar chhuak thei dawn a ni.

#ZalenNews