Tumtumi tia kan hriat lar Mizo Idol star C.Vanlalroluahtumi
 chuan music video a siam ve ta a, tichhuah mai theihin peihfel a ni tawh. 

A hla thar tur hi 'Lungpui nghet'
 tih a ni a, he hla phahtu hi Nipuii Varte a ni. Nipuii Varte hian hla eng emaw zat a lo phuah tawh a, 
Hlimhlimi sak 'Ka hlan a che' tih leh 
Lalduhsaki sak 'I fak ang u' tih hlate pawh kha a phuah a ni. 'Lungpui nghet' tih hla hi T. Laldintluanga'n a thluk a siam sak thung. 

Tumtumi music video thar turah hian music lama hriat hlawh Zta Khawlhring chu producer a ni a, vocal recording hi HC Recording kutchhuak a ni. Music hi Edensvine Records (Zta Khawlhring) kutchhuak bawk niin, video hi Moonshine Studio
 siam sak a ni - mit leh beng a tlai dawn e. 

A hla hi live music veka rem a ni nghe nghe a, musician te pawh - Vistea, Rema, Philip leh Zta Khawlhring tihte an ni nawk. 

Tumtumi hi Mizo Idol 2022-ah khan runner-up a ni a, tum tuma mi hi a official musc video hmasa ber tur a ni. May 19, 2023, Zirtawpni hian MMD Official YouTube channel-ah dah a ni ang.