March 5, 2024; Excise minister Lalnghinglova Hmar in tun dinhmunah sawrkarin zu zawrh tumna a neih hriat a nih loh thu house a hrilh.

Vawiin Assembly Budget session ah member te zawhna leh zawh belhna te chhangin Excise minister chuan, ruihhlo dona kawngah sawrkarin a theih ang angin hma a la tih a sawi. Excise minister tarlan danin, ruihhlo dona danpui kengkawhtu, Excise & Narcotics Deparment thawktute chu fuihthar an ni a, an hmanraw neih leh an thiamna/theihna tangkai zawka hmangin fuih an ni.

District tinah ruihhlo dotu bik tur Narcotic Cell tih changtlun bakah district thar pathum - Saitual, Khawzawl, Hnahthial ah te pawh station din tura hmalak mek a ni.

Kohhran thalai hruaitute nen ruihhlo do ho dan tur sawiin inrawnkhawmna neih a ni. Central YMA Executive Committee nen ruihhlo do ho dan tur sawiin inkawmhona neih a ni a. Hnathawktu lak belh leh hmanruate thuam tha tura hmalak mek a ni bawk.

Hengte bakah hian chak zawka ruihhlo do a nih theihna turin Excise department hnathawkte transfer dan anga kalpui tura hmalak mek a ni.