DOWNLOAD OUR APP

Read latest news on your phone
app-store

Tunlai khawvel manager tha 5

Sep 19, 2022

Level sang ber ber a cheng football manager te chuan nun hahthlak tak an hmang fo thin. Ngaihtuahna an hman nasat avang hian an sam te pawh a buang nghal thuai a, an hmelah pawh an hlauthawng thin tih hmuh a ni fo thin.

Level sang ber ber a cheng football manager te chuan nun hahthlak tak an hmang fo thin. Ngaihtuahna an hman nasat avang hian an sam te pawh a buang nghal thuai a, an hmelah pawh an hlauthawng thin tih hmuh a ni fo thin.

Chuvangin level sang ber ber manager tha bik-te hi chuan  chawimawi pawh an phu hle a ni. 

Ṭhenkhat chuan star rual kawl siin an mualpho pui der a,  ṭhenkhat erawh chuan team tha lutuka ngaih ni lo chungin hlawhtlinna sang tak an chang ve thung.  Tun tumah hian khawvel football manager tha ber ber panga i han thlir ho dawn teh ang. 

5. Diego Simeone (Atl Madrid)

Atletico Madrid hian 2020-21 khan La Liga title an la a, an team that theih dan ber a ngaih an nilo chungin Diego Simeone-a hnuaiah ropui takin an khel chhuak a, hlawhtlinna sang tak an tawng a, an la beisei chho zel bawk. 

Player tha tak tia sawi tur an ngah lo hle chungin Simeone hian  team tangrual thiam tak a siam a, kum 10 dawn chu Spain leh Europe team hlauhawm ber pakhatah an in din reng thei. Khawvel manager hlawh tam ber pakhat Simeone hian tun season pawh hian a finna leh tactic hmangin a team te hi a enkawl chho leh a ni a, eng chen tak thlenpui ang i maw! 

4 Antonio Conte (Tottenham)

Kum khat pawh tling lo kalta khan Tottenham Hotspur chuan harsatna nasa tak an tawk a, player thar lei nan sum pawh seng nualin kawng hrang hrangin an indin thar chho leh tan mek a ni.  

Antonio Conte-a enkawl Spurs hi tun hnaiah an chetha chho hle a, Italian manager hian a team tan hian hna ropui tak a thawk chho mek a ni. Tun nipui transfer laia a player lakluh kawngah pawh fak a hlawh hle nghe nghe. 

Tottenham hian squad tha tak an nei a, hei hian European team tha ber nih theihna kawng pawh a hawng zau hle a ni. 2022-23 Premier League season khelh mekah game ruk khel tawhin tunah Spurs hi table-ah pathumna an ni mek bawk. Hmahruaitu Arsenal aiin point khat chiah chiahin an hniam bawk. Conte hian tun hmain Juventus, Chelsea leh Inter Milan-ah te a thatna a lo lantir tawh a ni. 

3 Jurgen Klopp (Liverpool)

Liverpool hian 2022-23 season bul an ṭan thalo hle a, mah se an player tha eng emaw zat an inhliam vang maiah a ngaih theih. Merseysider te hian tun season-ah Premier League-ah title challenge an nei phak a ngem tih tur hial khawpin an che chhia. 

Klopp hian a coaching career chhung hian harsatna a paltlang hnem tawh hle a, a tirin Liverpool-ah pawh langsar nghal vut lo mah se a tlo hle a ni tih chu vawiinah kan hriat hi. Tun season-ah hian Klopp hian player tha a lakluh belh loh chuan a chetchhiat a hlauhawm hle a ni. 

2 Pep Guardiola (Manchester City)

Trophy thahnem tak an chawi tawh chungin Pep Guardiola leh Manchester City ten Champions League an la chawi thei lo. City-ah hian world-class player an awm nual a, tun transfer khan an position mamawh ber mai striker tur Erling Haaland an lalut a, an tisual dawnin a lang lo. 

Chanchin ziah lai hian City hian Premier League khel mekin goal khat an thun tawh a, an chak a nih chuan table hmahruaitu niin a zawna a vawi thum na turin Premier League an chawina kawng an zawh chho mek tihna a ni ang. Tun season-ah Guardiola hian champions league nomawi a chawi lo leh hlauh a nih chuan City nen an inthen tawh hial maithei.

1 Carlo Ancelotti (Real Madrid)

Carlo Ancelotti hian Everton a enkawl laiin a hlawh tling lutuk lo. Kum 2021 nipui lai khan thutlukna huasen tak siamin Real Madrid-a pan a, Los Blancos-a pan hi a tisual lo. Player tha tak tak hmangin a talent tha tak chu hai chhuah a ni a, season liam ta manager tha bera thlan a ni phak ta hial.  

Santiago Bernabeu-ah player upa lam kawl nual mah se a hmang thiam a,  season liam ta khan an ram chhung league-ah leh UCL-ah a champion pui a, ropuina tlangah a ding mek. Tun hmain Ancelotti hi coach ropui tak angin hriat ni lo mah se tuna chinah chuan football manager tha sawi chhuah changin a hming lam a ni fo tawh dawn a ni. 

Share now